Bial KṬP Conference 2012

January 20-22, 2012 khan Bungkawn Kohhran Biak In-ah Bial KṬP Conference vawi 33-na chu tluang taka hman zawh a ni a. Thlarau lam thupui chu “Rinchhan tlak Pathian” (Sam 37:5; 46:1) niin Speaker chu Rev. Vanlalbela a ni. 

• January ni 20, 2012 (Zirtawpni) chawhnu dar 2:00 ah Nomination Committee thuin zanah Report Inkhawm a awm a, hetah hian kum 2011 chhunga member thite sunna hun hman a ni bawk. Vanduai thlak takin member thi hi pasarih (7) kan nei a, a pawi hle!
• January ni 21, 2012(Inrinni) nilengin hruaitu thlan leh rorel a ni a. Rorel Palaite hi a thlengtu Branch chuan zanriah tuihnai tak an buatsaih sak a ni. Zanah Variety Programme hman a ni bawk.
• January ni 22, 2012(Pathianni) chawhma Inkhawm atangin Thlarau lam thupui Speaker hnen aṭangin ngaihthlak ṭan a ni a, member te pawhin Speaker thusawi hi kan hlawkpui tlang hle a ni. 
• Conference rorel tlangpui lo tarlang ila:

1.  Bial huapin KTP Sport neih ni rawh se.

2.  Kumin chhungin Bial huapin Ramthar fehchhuah/Workcamp neih ni rawh se.

3.  Pastor Quarters tihchangtlun nan hmalak ni rawh se.

4.  Kumin chhungin Bial OB ten Bial chhung Branch te vawi khat tal tlawh ni rawh se.

5.  Member hla te pualin Bial huapin chawngheia tawngtai ni rawh se.

6.  CKTP-in ram pum huapin Mental Health Inzirtirna buatsaih rawh se.

7.  Bial Zaipawl tan Budget-ah sum tam zawk dah ni rawh se.

8.  R&CC pualin Bial KTP-in hma lak ni rawh se.

9. Conference vawi 34-na hun leh hmun:

              A hun : January 25-27, 2013
              A hmun : Nursery Veng Kohhran Biak In
             Speaker : Dr. C. Lalhrekima

10. Bial hmalakna kallai mek heng: Missionary pathum chawm mek chawm chhunzawm zel, Bial KTP-in Biak In hawnga nupui/pasal nei lawmpuina hlan chhunzawm zel, Bial KTP chanchinbu ‘Thalai Kantu’ chhuah chhunzawm zel, Half Year Meet neih chhunzawm zel te remtih a ni. Half Year Meet neihna hmun tur hi Bungkawn Vengthar Kohhran Biak In a ni ang.